PhD course ka duration ,fee. Regular course ya private couse
Hi, Bharat mein PhD full-time (regular) ya part-time hoti hai, private/distance PhD karne ki anumati nahi hai. JRF, CSIR-NET, GATE ke madhyam se PhD men pravesh lene par Scholarship bhi milati hai. Basharte PhD me aapka pradarshan aur pragati Santoshjanak ho.
Iske alawa bhi Sansthan vishesh ki PhD pravesh prakriya ke tathat patra hone par aap unke PhD course me pravesh le sakte hain. Aise mamlon me nirdharit shulk sansthan vishesh par Nirbhar karega. Udahran ke liye Amity ke Noida campus me Full time ke liye prati semester fees 50000 Rs. hai, part time ke liye yah 75000 Rs. hai. Wahi iske Gwalior, Mumbai, Raipu ke liye yahi fees kramashah 38000 aur 33000 prati semester rahi gai hai. PhD ki fees puri tarah is bat par nirbhar karegi ki aap kis sansthan me aur kis city me admission le rahe hain.
PhD Program Duration
India mein PhD ki duration usually 3 se 6 saal hoti hai. Arthant kam se kam 3 sal me aur Adhiktam 6 sal me ise pravesh lene ke bad pura karna hota hai. Vishesh sthition me 2 varsh ka atirikt samay diya ja sakta hai, basharte PhD ki kul awadhi 8 varsh se adhik na ho.
Mahila PhD shodharthiyon aur 40% se adhik viklangta walon ko 2 varsh ka atirikt samay mil sakta hai. Mahila Shodharthiyon ko phd ki puri awadhi me 240 dinon ka matritwa awkash bhi diya ja sakta hai.
